Ymunwch â ni ar gyfer digwyddiad hamddenol Picnic Cymunedol yn y Parc Cyfarthfa ddydd Sadwrn 20 Mehefin rhwng 11:30am a 2:30pm ar lan y llyn hardd ym Mharc Cyfarthfa.
Dewch â’ch teulu, ffrindiau, cymdogion, blancedi picnic, cadeiriau, a’ch hoff fwyd a diod ar gyfer prynhawn o gymuned, sgwrsio, a hwyl yn yr awyr agored.
Bydd cyfle i fwynhau:
- Cerddoriaeth fyw steil bysgio
- Gemau lawnt traddodiadol
- Gweithgareddau crefft yn Oriel Bothy
- Amgylchedd hardd y parc
- Amser i ymlacio, cysylltu, a mwynhau’r awyr agored gyda’ch gilydd
Fel rhan o Wythnos Genedlaethol y Picnic, rydym yn dathlu’r pleser syml o dreulio amser yn ein mannau gwyrdd lleol ac yn annog pawb i fanteisio i’r eithaf ar Barc Cyfarthfa drwy gydol yr haf.
Os yw’n bosibl, ystyriwch ddod i’r digwyddiad ar droed, ar olwyn neu ar feic. Mae’n ffordd wych o fwynhau’r parc o’r eiliad y byddwch chi’n cyrraedd, a bydd yn ein helpu i gadw’r ardal yn groesawgar ac yn hygyrch i bawb.
Rhai nodiadau cyflym i’ch helpu i baratoi:
Gwiriwch y rhagolygon: Digwyddiad awyr agored yw hwn, felly gwisgwch a pharatowch ar gyfer beth bynnag y bydd y tywydd yn penderfynu ei wneud! Cadwch lygad ar ein cyfryngau cymdeithasol lle byddwn ni’n rhoi gwybod am unrhyw newidiadau.
Parcio: Defnyddiwch y prif faes parcio wrth ochr y Bothy. Er mwyn helpu i gadw pawb yn ddiogel, peidiwch â pharcio ar y rhodfeydd. Os oes gennych chi ofynion mynediad ychwanegol, mae rhai lleoedd parcio ar gael ger y fynedfa i’r parc.
Bwyd: Paciwch eich hoff frechdanau a byrbrydau, ond sylwch, ni chaniateir barbeciwiau.
Casglwch flanced neu gwpl o gadeiriau gwersylla a dewch draw. Mae croeso i chi alw heibio am ugain munud neu aros am y prynhawn cyfan.
Allwn ni ddim aros i’ch gweld chi yno!